• Data: Do 26 ó 30 de Octubre
  
• Sede: Auditorio Fundación Caixa Galicia  (Rúa do Vilar, 19)
  
• Horario: de L a V ás 18:30h

PROGRAMACIÓN

Selección de cortos de animación, Herschel, Salomon e David Frenkel, 1935-1950,
LUNS 26
Duración: 30’
Durante os anos 30 en Exipto, os irmáns Frenkel comezaron a realizar as súas primeiras películas de animación, utilizando case sempre o mesmo protagonista, Mish Mish Efendi. Tamén realizaron anuncios, sempre moi influenciados polos debuxos animados chegados desde Estados Unidos.

La rosa blanca (Al Warda Al-baida), Mohamed Karim, 1933.
MARTES 27
Duración: 110’
Galal Effendi, o fillo dun empobrecido aristócrata, vese obrigado a deixar os seus estudos para buscar traballo. Tras un breve período como vendedor, Galal descobre o seu talento artístico e logra un gran éxito como cantante. Mohamed Karim realiza a primeira película significativa para a chegada do cine sonoro, protagonizada polo popular músico e cantante Mohamed Abdel Wahab.

Weddad, Fritz Kramp y Gamal Madkoor, 1936.
MÉRCOLES 28
Duración: 100’
Un rico comerciante vese obrigado a vender a súa escrava, da que está profundamente namorado, cando perde a súa fortuna. Pero o destino quere que os dous amantes se reencontren...r Primeira película estreada con extraordinario éxito polos estudos Misr que lanzaron a famosa diva Um Kalzum e afirmaron o musical como o xénero de predilección do cine exipcio.

Salama va bien (Salama fi khayr), Niazi Mostafa, 1937.
XOVES 29
Duración: 98’
Salama, primeiro bedel dunha gran tenda de teas e o home máis honrado de todo O Cairo, logo dunha serie de malentendidos, é acusado de roubar unha importante suma de diñeiro da tenda. Película representativa das primeiras comedias exipcias e unha das mellores películas do período de entreguerras.

Amor y venganza (Gharam wa enteqam), Youssef Whabi, 1944.
VENRES 30
Duración: 98’
Unha famosa cantante retírase para casar co amor da súa vida. Este é asasinado ao día seguinte. Ela xura vingarlle, polo que decide seducir o sospeitoso. Unha historia de amor case imposible cun dramático final. Clásico dos anos 40 e representativa do melodrama sentimental.